《疑似撞鬼個案，膽小者慎入》
話說
昨晚瞓瞓下覺，突然聽到有把男人聲晌我隔離講野。
嗰刻我唔敢撐大眼，不停同自己講：發夢㗎啫，快啲瞓返就冇事㗎喇。
聽聽下，點解把聲咁似怪獸既？隻死怪獸咁夜同邊個講電話？仲要晌我耳邊講慌死嘈我唔醒？呢排都瞓得麻麻地，點解要趁我瞓著先晌我耳邊講電話？
嗰刻係有少少著咗！
然後聽到佢好認真咁講：咁我都唔想剝奪小朋友嘅學習機會。
再過多3秒
就傳黎低沉又平穩嘅鼻鼾聲
原來頭先係佢發開口夢
我即刻踢咗佢一野洩憤，點知咁都踢佢唔醒！
嗰刻心諗：算數，我大人有大量，（暫時）唔同你計較。
呢筆數點同佢計好呢？
#佢發開口夢個語氣同平時主持節目個語氣係一樣㗎
#所以我先以為佢同人講電話
#小怪獸s踢我我咪踢佢哋爸爸囉
#天公地道
Search